ГККП «Жангалинский Колледж»

Жаңақала колледжі 1963 жылы 16 қаңтарда Қазақ КСР-ы Министрлер Кеңесінің кәсіптік-техникалық білім беру Бас басқармасының №10-шы бұйрығы бойынша Казталовка ауданында 300 оқушыға арналған Казталов ауыл шаруашылығын механикаландыру училищесі ретінде ашылып, оған №8 реттік саны берілді. Жаңа оқу орнына Молдован КСР-нан, Марий, Коми, Татар, Чуваш, Башқұр, Удмурт Автономиялы облыстарынан оқушы жастар тартылды. Жаңақала ауданының 1972 жылы 10-наурызда қайта құрылуына және №167-ші Мәстексай училищесінің таратылуына байланысты №8 училище Жаңақала училищесі аталып, іргелес Казталовка, Орда, Жаңақала ауданы үшін жұмысшы мамандар даярлайтын оқу орнына айналды. Аудан мекемелерінің бір орталықтан басқарылуы көзделіп, 1980 жылы училище аудан орталығы Жаңақалаға көшірілді. 1981-1982 оқу жылынан бастап оқу жылы үш жылдық мерзімге ұзартылып, оқушылар қалаған мамандықтарына қоса орта білім алып шығатын болды.1984 жылы оқу орны 480 оқушыға арналған үлгілі жобамен салынған жаңа ғимаратқа көшірілді. Онда 480 орындық оқу корпусы, 150 орындық 2 жатақхана, 150 орындық 16*18 м залы, 120 орындық асханасы бар қоғамдық-тұрмыстық комплекс болды.Оқу орны көптеген өндірістік оқу құралы мен ауылшаруашылығы техникаларымен қамтылды. 2012 жылдан Жаңақала колледжі- мемлекеттік коммуналдық қазыналық кәсіпорыны деп аталды. Колледж басшылары болып: 1963-1980 жылдары Лепесов Есенғали Көшмұхамбетұлы, 1980-1985 жылдары Такеев Әнуар Сейтімұлы, 1985-1987 жылдары Базаров Ермек, 1987-1989 жылдары Хамзин Әбілхайыр, 1989-2009 жылдары Әубекеров Бақтығали қызмет атқарса, 2009 жылдан бастап Жәрдемалиев Серік Жүсіпбекұлы басшылық жасап келеді.

Главный корпус расположен по адресу: Западно-Казахстанская область, Жангалинский район, Жангалинский с.о., с.Жангала, улица Д. Нурпейсова, 35.